18.7.2026 முதல் 24.7.2026 வரை
சாதகங்கள்: 11-ஆம் இடத்தில் புதன் ஆட்சி பெற்றிருக்கிறார். இந்த அமைப்பு சாதகமான அமைப்பு. எந்த நேரத்திலும் எப்படியாவது ஒரு உதவி கிடைத்து, முன்னேற்றத்தைத் தருகின்ற அமைப்பு. ராசியில் சுக்கிரன் இருப்பதால், கவர்ச்சியும் செல்வாக்கும் அதிகரிக்கும். மறைந்திருந்த வாய்ப்புகள் மீண்டும் கிடைக்கும். நண்பர்கள் மூலம் புதிய முன்னேற்றங்கள் ஏற்படும். தொழிலில் வருமானம் சீராக உயரும். குடும்பத்தில் மகிழ்ச்சியான சூழல் நிலவும். கலைத்துறையினருக்கு பாராட்டு கிடைக்கும். ராசிக்கு 10-ஆம் இடத்தில் செவ்வாய் இருக்கிறார். எதையும் எதிர்கொள்ளக்கூடிய தைரியமும், வெற்றி வாய்ப்பும் உண்டு. திடீர் பணவரவு உண்டு. ஆடை ஆபரணச் சேர்க்கை உண்டு. குடும்பத்தினருடன் இனிமையாக பொழுதைக் கழிக்க வாய்ப்புண்டு. பிள்ளைகளால் பெருமை உண்டு.
கவனம் தேவை: கேது இருப்பதால் அவசர முடிவுகளைத் தவிர்க்க வேண்டும். மனதில் தேவையற்ற குழப்பம் வரலாம். உடல்நலத்தில் சிறு அக்கறை தேவை. முக்கிய ஆவணங்களை கவனமாகக் கையாளுங்கள். குடும்பத்தில் கருத்து வேறுபாடுகள் இல்லாமல் பார்த்துக் கொள்ள வேண்டும். ராசிக்கு எட்டில் சனியும், ஏழாம் இடத்தில் ராகுவும் விரய ஸ்தானத்தில் குருவும் இருப்பதால், குடும்பத்தில் அவ்வப்போது ஏற்படும் கருத்து வேறுபாடுகளை, நாசுக்கான அணுகு முறையால் தடுக்க வேண்டும். யாருக்கும் எந்த வாக்குறுதியும் தர வேண்டாம்.
பரிகாரம்: வெள்ளிக்கிழமை தாயார் சந்நதியில் நெய்தீபம் ஏற்றுங்கள்.
