மிதுனம்

(4.7.2026 முதல் 10.7.2026 வரை)

சாதகங்கள்: ராசிக்கு மூன்றில் ஐந்துக்குரிய சுக்கிரன் அமர்ந்திருக்கிறார். ராசியில் ராசி நாதனே ஆட்சி பெற்று இருக்கிறார். தனஸ்தானத்தில் குரு இருப்பதால் வருமானம் போதிய அளவிற்கு இருக்கும். கடன்களை அடைத்து விடலாம். வசதியான வீடு மாற முயற்சி செய்பவர்களுக்கு முயற்சி பலிக்கும். குடும்பத்தில் சுப நிகழ்ச்சிகள் நடைபெறும். கணவன் மனைவி கருத்து வேறு பாடுகள் நீங்கும். வழக்குகளில் சாதகமான அமைப்பு உண்டு. மருத்துவ சிகிச்சை பலிக்கும். தடைபட்ட வேலைகள் நடக்க ஆரம்பித்து விடும். வேலை தேடுபவர்களுக்கு நல்ல வேலை கிடைக்கும்.

கவனம்தேவை: ராசிக்குள் சூரியன் இருப்பதை மறந்து விட வேண்டாம். அலைச்சலும் காரியத்தடைகளும் உடல் சோர்வும் ஏற்படும். உணவு விஷயத்தில் கவனம் தேவை. வயிற்று உபாதைகள் தலை தூக்கலாம். அவசரத்தாலும், கவனக்குறையாலும் சில வாய்ப்புகளை இழக்க நேரிடும். கண்களை கவனமாகப் பார்த்துக் கொள்ள வேண்டும். ரத்த சம்பந்தமான உறவுகளால் பிரச்சனைகள் வரலாம். அலுவலகங்களில் வேலை பளு அதிகமாக இருக்கும்.

பரிகாரம்: வியாழக்கிழமை அருகாமையில் உள்ள ராகவேந்திரர் கோயிலுக்குச் செல்லுங்கள்.