பண்டிகை காலத்தையொட்டி, பல புதிய கார் மாடல்கள் தொடர்ந்து வரிசை கட்டி வருகின்றன. அந்த வகையில், புதிய மாற்றங்களுடன் டட்சன் கோ ஹேட்ச்பேக் காரும், கோ ப்ளஸ் 7 சீட்டர் எம்பிவி ரக காரும் இந்தியாவில் விற்பனைக்கு அறிமுகம் செய்யப்பட்டுள்ளன. இந்த இரு கார்களிலும் புதிய 14 அங்குல டைமண்ட் கட் அலாய் சக்கரம் பொருத்தப்பட்டு இருக்கின்றன. புதிய இன்ஸ்ட்ரூமென்ட் க்ளஸ்ட்டர், முழுமையான க்ளவ் பாக்ஸ் ஆகியவையும் இந்த மாடலின் முக்கிய அம்சங்கள் ஆகும். புதிய டட்சன் கோ மற்றும் கோ ப்ளஸ் கார்களில் பவர் விண்டோஸ், எலெக்ட்ரிக்கல் அட்ஜெஸ்ட் வசதியுடன் சைடு மிரர்கள், ரியர் பார்க்கிங் சென்சார்கள், டூயல் ஏர்பேக்குகள் ரியர் விண்டோ வைப்பர் போன்ற வசதிகளும் உள்ளன. இரண்டு கார்களிலுமே 1.2 லிட்டர் பெட்ரோல் இன்ஜின் தக்கவைக்கப்பட்டு இருக்கின்றன. இந்த இன்ஜின் அதிகபட்சமாக 67 பிஎச்பி பவரையும், 104 என்எம் டார்க் திறனையும் வெளிப்படுத்தும். 5 ஸ்பீடு மேனுவல் கியர்பாக்ஸ் ஆப்ஷனில் கிடைக்கும்.