அட்லி இயக்கத்தில் விஜய் நடிக்கும் படத்தின் ஷூட்டிங் நடந்து வருகிறது. இதில் பெண்கள் கால்பந்து அணி பயிற்சியாளர் வேடத்தில் விஜய் நடிக்கிறார். அவருக்கு ஜோடியாக நயன்தாரா நடிக்கிறார். கால்பந்து வீராங்கனைகளாக ஹீரோயின்கள் ரெபா மோனிகா ஜான், இந்துஜா மற்றும் புதுமுகங்கள் சிலர் தேர்வாகியுள்ளனர். படத்துக்கு ரஹ்மான் இசையமைக்கிறார். செம்பரம்பாக்கம் இவிபி ஸ்டுடியோவில் படத்துக்கு கால்பந்து ஸ்டேடியம் செட் போடப்பட்டுள்ளது. ரூ.6 கோடி செலவில் கடந்த ஒரு மாதமாக அரங்கம் அமைக்கும் பணி நடந்து முடிந்துள்ளது.