சென்னை: வந்தே பாரத் ரயிலில் உணவு திணிப்பு முறை என மலையாளர் எழுத்தாளர் பதிவால் சமூக வலைத்தளங்களில் விவாத பொருளாக மாறியுள்ளது. நாடு முழுவதும் வந்தே பாரத் ரயில்கள் இயக்கப்பட்டு வருகின்றன. என்றாலும் வந்தே பாரத் ரயில்கள் அவ்வப்போது விபத்தில் சிக்குவதும், உணவு சேவையில் குறைபாடுகள் தொடர்பாக பேசப்படுவதும் சமீபகாலமாக அதிகரித்து வருகிறது. இந்த நிலையில், மலையாள எழுத்தாளர் என்.எஸ். மாதவன், வந்தே பாரத் எக்ஸ்பிரஸ் ரயில்களில் சிற்றுண்டி மெனு குறித்து பதிவிட்டிருப்பது இணையத்தில் விவாதத்தைத் தூண்டியுள்ளது.

அதாவது, ஏப்ரல் 15 அன்று மாதவன் என்பவர் பெங்களூரு-கோயம்புத்தூர் வந்தே பாரத் ரயிலில் பரிமாறப்படும் சிற்றுண்டிகளின் படத்தை தனது எக்ஸ்தள பதிவில், பகிர்ந்து, அவர்கள் மொழித் திணிப்பு பற்றிப் பேசுகிறார்கள். உணவுத் திணிப்பு பற்றி என்ன? தென்னிந்திய வந்தே பாரத் ரயில்களில் வழங்கப்படும் வழக்கமான சிற்றுண்டிகள். இது பெங்களூரு-கோயம்புத்தூர் வி.பி.யிலிருந்து வந்தது” எனத் தெரிவித்துள்ளார். அவருடைய இந்தப் பதிவுக்கு பலரும் தங்களது பதில் கருத்துகளைப் பதிவு செய்து வருகின்றனர். மக்கள் இதேபோன்ற அனுபவங்களைப் பகிர்ந்து கொண்டு, “உணவு திணிப்பு ஓர் உண்மையான பிரச்னை” என அனைவரும் ஒப்புக் கொண்டுள்ளனர்.

பயனர் ஒருவர், ”ஆமாம், இது உண்மையில் சுவாரஸ்யமானது. ஒன்றிய அரசு அல்லது ரயில்வே இதில் ஒருபோதும் கவனம் செலுத்தவில்லை. எப்படியிருந்தாலும், இந்த கேட்டரிங் வழங்குநர்களுக்கு வட இந்திய அல்லது தென்னிந்திய உணவை எப்படிச் சமைக்க வேண்டும் எனத் தெரியவில்லை. நீங்கள் மோசமான உணவை ருசித்ததில்லை என்றால், ரயில்வேயில் சென்று அதை அனுபவிக்கவும்” எனப் பதிவிட்டுள்ளார். மற்றொரு நபர், “நான் வட/மேற்கு இந்தியாவைச் சேர்ந்தவன். எனக்கு தனிப்பட்ட முறையில் எந்த குறிப்பிட்ட உணவு விருப்பங்களும் இல்லை என்றாலும், ஒரு குறிப்பிட்ட பிராந்தியத்திற்கு சேவை செய்யும் ரயில்கள் அந்தப் பிராந்தியத்தின் உணவு விருப்பங்களைக் கணக்கில் எடுத்துக் கொள்ள வேண்டும் என்பதை நான் ஒப்புக்கொள்கிறேன்” எனத் தெரிவித்துள்ளார்.

மூன்றாவது நபர், “ஒப்புக் கொள்கிறேன். பல்வேறு வகையான உணவுகளைச் சாப்பிடுவதில் எனக்கு எந்தப் பிரச்னையும் இல்லை. ஆனால், பெரும்பாலான மக்கள் அதையே விரும்புகிறார்கள். அவர்கள் பழக்கமானதை விரும்புகிறார்கள். சிக்கி என்பது கட்டி, சிவ்டா மாகாண உணவு. பெங்களூருவிலிருந்து கோயம்புத்தூருக்கு இரண்டுமே விருப்பமாக இருக்கக் கூடாது. காஷ்மீரில் புட்டு பரிமாறுவது போல, மதிய உணவிற்கு பனீர் மோசமானது, வேறு எதுவும் இல்லாதது போல” எனப் பதிவிட்டுள்ளார். இந்த விவாதம் சமூக வலைத்தளங்களில் பேசு பொருளாகி வருகிறது.

The post வந்தே பாரத் ரயிலில் உணவு திணிப்பு முறை மலையாள எழுத்தாளர் பதிவால் சமூக வலைத்தளங்களில் விவாதம்: அந்தந்த மாநிலத்திற்கான உணவை வழங்க பயணிகள் விருப்பம் appeared first on Dinakaran.