சென்னை: மனிதநேய மக்கள் கட்சியின் தலைவர் ஜவாஹிருல்லா நேற்று வெளியிட்ட அறிக்கை: ஜெருசலத்தில் உள்ள அல்அக்ஸா பள்ளிவாசலில் தொழுகைகளை தடுக்க இஸ்ரேல் அரசு எடுத்திருக்கும் நடவடிக்கை வன்மையாக கண்டிக்கத்தக்கது. உலக முஸ்லிம்களின் மூன்றாவது புனித தலமாக விளங்கும் அல்-அக்ஸா பள்ளிவாசலில், ரமலான் மாதத்தின் இறுதி நாட்களில் நடைபெறும் இரவு தொழுகைகள் தடுக்கப்பட்டிருப்பது, மனித உரிமைகளுக்கு எதிரான வெளிப்படையான வரம்பு மீறல் ஆகும். உடனடியாக அல்-அக்ஸா பள்ளிவாசலை திறந்து, முஸ்லிம்கள் தங்கள் வழிப்பாட்டு உரிமையை சுதந்திரமாக நிறைவேற்ற அனுமதிக்க வேண்டும் என்று வலியுறுத்துகிறோம். மேலும், இந்த விவகாரத்தில் சர்வதேச சமூகமும் தலையிட்டு, முஸ்லிம்களின் வழிப்பாட்டு உரிமைகள் பாதுகாக்கப்படுவதை உறுதி செய்ய வேண்டும். இவ்வாறு அதில் கூறப்பட்டுள்ளது.