மதுரை, மார்ச் 9: மதுரை எல்லீஸ் நகரில் உள்ள ஆசிரியர் கூட்டணி அரங்கத்தில் தமிழ்நாடு தொடக்கப்பள்ளி ஆசிரியர் கூட்டணி சார்பில் உலக மகளிர் தின விழா கொண்டாடப்பட்டது. மாவட்ட செயலாளர் கணேசன் தலைமை வகித்தார். மாவட்ட தலைவர் ராமசாமி, பொருளாளர் மரியசெல்வம் முன்னிலை வைத்தனர்.

சிறப்பு விருந்தினராக தேனி அரசு மருத்துவமனை மனநல மருத்துவர் அமுதா கலந்து கொண்டார். விழாவில் வினாடி வினா மற்றும் பல்வேறு விளையாட்டு போட்டிகள் நடத்தப்பட்டு அதில் வெற்றி பெற்றவர்களுக்கு பரிசு வழங்கப்பட்டது. இதில் மாவட்ட, வட்டார, மாநகராட்சி தொடக்கப்பள்ளிகளை சேர்ந்த 100க்கும் மேற்பட்ட ஆசிரியைகள் கலந்து கொண்டனர்.