9.4.2026 முதல் 15.4.2026 வரை
சாதகங்கள்: இரண்டாம் இடத்தில் சனி, புதன், செவ்வாய் இருப்பது கடின உழைப்பால் வருமானம் கிடைக்கும் எனக் காட்டுகிறது. மூன்றாம் இடத்தில் சூரியன், சுக்கிரன் இருப்பதால் பேச்சுத்திறன் மற்றும் கலை உணர்வு அதிகரிக்கும். ஐந்தாம் இடத்தில் குரு இருப்பது மிகச் சிறந்த அமைப்பாகும்; இது கல்வி, பிள்ளைப் பாக்கியம் மற்றும் பூர்வ புண்ணியத்தை அளிக்கும். தன குடும்பக்காரகன் பஞ்சமஸ்தானத்தில் பலமடைந்து ராசியைப் பார்ப்பது சிறப்பு. தொழிலில் முன்னேற்றம் ஏற்படும். உத்தியோகத்தில் திறமை அதிகரிக்கும். மேலதிகாரிகளின் அங்கீகாரம், ஆதரவு உண்டு. திருமணமான பெண்களுக்கு கருதரிக்க கிரக நிலைகள் சாதகமாக உள்ளன.
கவனம் தேவை: ராசியில் ராகு, ஏழாம் இடத்தில் கேது இருப்பதால் தனிப்பட்ட வாழ்க்கை மற்றும் திருமண வாழ்க்கையில் மாற்றங்கள் ஏற்படும். வாக்கு ஸ்தானத்தில் சனி செவ்வாய் இணைந்து இருப்பதைக் கவனத்தில் கொள்ள வேண்டும். மிகவும் ஜாக்கிரதையாக பிறருக்கு வாக்கு தாருங்கள். சேமிப்பில் கவனம் செலுத்துங்கள்.
பரிகாரம்: வெள்ளிக்கிழமை கோபூஜை செய்யுங்கள் அல்லது பசுவை வழிபட்டு ஏதேனும் உண்பதற்கு தாருங்கள்.
