24.10.2024 முதல் 30.10.2024 வரை
சாதகங்கள்: ராசிநாதன் புதன் விருச்சிக ராசியில் சுக்கிரனோடு இணைந்து இருக்கின்றார். ஆறாம் இடத்தில் உள்ள சனி, தொழில் முன்னேற்றத்தைத் தரும். உங்கள் எண்ணங்களை பூர்த்தி செய்யும். வக்ரகதியில் இருந்தாலும் குருவின் பார்வை உங்கள் ராசி மீது விழுவதால், சில பிரச்னைகள் கடைசி நேரத்தில் தானாக விலகி உங்களுக்கு மகிழ்ச்சியைத் தரலாம். உங்கள் நேர் எதிர் ராசிக்கு உரிய குரு ஒன்பதாமிடத்தில் வக்ரம் பெற்றிருப்பது அவருடைய கேந்திராதிபத்ய தோஷத்தை குறைத்து நன்மையை அதிகரிக்கும். இடம், வீடு மனை வாங்கும் யோகமும் உண்டு. மூன்றாம் இடத்தில் சுக்கிரன் இருப்பது மகிழ்ச்சியான தருணங்களை அதிகரிக்கும். ஆடை ஆபரணச் சேர்க்கை ஏற்படும்.
கவனம் தேவை: பதினோராம் இடத்தில் செவ்வாய் நீசகதியில் இருப்பதும், ஏழாம் இடத்தில் ராகுவும், ராசியில் கேதுவும் இருப்பது நல்ல அமைப்பு அல்ல. சில நேரங்களில் எடுத்த காரியங்களில் தைரியகுறைவு ஏற்படலாம். சகோதர உறவுகளில் கருத்து வேறுபாடுகள் ஏற்பட்டு, சங்கடத்தைத் தரலாம்.
பரிகாரம்: ராசியில் கேது, 7ல் ராகு இருப்பதால், அருகில் உள்ள புற்று மாரியம்மன் கோயிலில் விளக்கிட்டு வழிபடுங்கள்.
