25.7.2024 முதல் 31.7.2024 வரை
சாதகங்கள்: குரு தொழில் ஸ்தானத்தில் இருப்பதால், தொழில் வளர்ச்சி சிறப்பாக இருக்கும். தொட்ட காரியங்களில் வெற்றி கிடைக்கும். கலைத்துறையில் உள்ளவர்களுக்கு நல்ல வாய்ப்புகள் கிடைக்கும். இடம் வாங்கும் யோகம் உண்டு. வீடு மாற்றம் உத்தியோகமாற்றம் நினைத்தபடி நடக்கும். வெளிநாட்டில் உள்ள நிறுவனங்களில் இருந்து ஆதாயமான செய்திகள் வரும். பண வசதிக்கு குறைவு இருக்காது. புதிய ஒப்பந்தங்கள் கிடைக்கலாம். சொந்த கட்டிடத்திற்கு தொழில் மாற்றங்கள் ஏற்படலாம்.
கவனம் தேவை: ராசிநாதன் சூரியன் 12ஆம் இடத்தில் இருக்கிறார் என்பதை கவனத்தில் கொண்டு செயல்பட வேண்டிய வாரம் இது. பத்தில் குரு இருப்பதால், இடமாற்றமும் பதவி மாற்றமும் இருக்கும் கொடுக்கல் வாங்கல்களில் கவனமாக இருக்க வேண்டும். அஷ்டம ராகு எல்லா வேலைகளிலும் தாமதத்தையும் ஏமாற்றத்தையும் தருவார்.
சந்திராஷ்டமம்: 25.7.24 காலை 10.45 முதல் 27.7.24 பகல் 12.59 வரை சந்திராஷ்டமம் உண்டு. சந்திராஷ்டம தினத்தில் பேச்சில் கவனமாக இருக்கவும். வாதப் பிரதிவாதங்களில் ஈடுபட வேண்டாம்.
பரிகாரம்: சனிக்கிழமை பெருமாள் கோயிலுக்கும், அனுமன் கோயிலுக்கும் சென்று வழிபாடு நடத்துங்கள். பிரச்னைகள் நீங்கி, நன்மைகள் உண்டாகும்.
