2.5.2024 முதல் 8.5.2024 வரை
சாதகங்கள்: ராசிநாதன் சூரியன் பாக்கியஸ்தானத்தில் ஜீவன ஸ்தானாதிபதி சுக்கிரனோடு இணைந்து இருக்கிறார். அஷ்டமத்தில் இதுவரை இருந்த தன குடும்ப அதிபதி புதன், வாரத்தின் மத்தியில் பாக்கியஸ்தானத்தில் நுழைவதால் வருமானச் சிக்கல்கள் நீங்கும். புத்தி பூர்வமான யோசனைகள் தலை எடுக்கும். தொழில் ஸ்தானத்தில் குரு இருந்து உங்கள் நான்காம் இடத்தைப் பார்வை இடுவதால் வீடு வாசல் முதலிய அமைப்புக்கள் சிறப்பாக இருக்கின்றன. வருமானமும் சற்று அதிகரிக்கும். வண்டி வாகனங்கள் வாங்க கூடிய வாய்ப்புண்டு.
கவனம் தேவை: வாக்கு ஸ்தானத்தில் கேது இருப்பதால், எதைப் பேசினாலும் கவனத்தோடு பேசுங்கள். உங்கள் வார்த்தைகள் வெவ்வேறு விதமாக எடுத்துக் கொள்ளப்படும். அஷ்டமத்தில் ராகுவும் செவ்வாயும் இணைந்து இருப்பதால், சகோதரர்கள் விஷயத்தில் கவனம் தேவை. ரத்த அழுத்த நோய்கள் உள்ளவர்கள் முறையான மருத்துவம் எடுத்துக் கொள்ள வேண்டும். செவ்வாய் ராகு இணைந்து கேதுவைப் பார்வையிடுவதால் கொடுக்கல் வாங்கல்களில் சிக்கல்கள் வரலாம்.
சந்திராஷ்டமம்: 4.5.2024 மாலை 4.39 முதல் 6.5.2024 மாலை 5.43 வரை சந்திராஷ்டமம் உண்டு. சந்திராஷ்டம தினத்தில் பேச்சில் கவனமாக இருக்கவும். வாதப் பிரதிவாதங்களில் ஈடுபட வேண்டாம்.
பரிகாரம்:பிரதோஷ நேரத்தில் லட்சுமி நரசிம்மரை வணங்குங்கள். பசுக்களுக்கு உணவளியுங்கள். பாரம் குறையும். சூரியனை வழிபட பிரகாசமான வாழ்க்கை கிடைக்கும்.
