தஞ்சை, அக். 23: தஞ்சையில் ஆற்றில் குதித்த பொறியியல் பட்டதாரி வாலிபர் உடலை 2வது நாளாக தீயணைப்பு படையினர் தேடினர். தஞ்சை சுந்தரம் நகரை சேர்ந்தவர் கார்த்திக் (32). பொறியியல் பட்டதாரியான இவர் புதிய கட்டிடங்களுக்கு வரைபடம் வரைந்து கொடுக்கும் தொழில் செய்து வந்தார். நேற்று முன்தினம் மாலை இவர் வீட்டிலிருந்து புறப்பட்டு தஞ்சை வண்ணாரப்பேட்டை கல்லணை கால்வாய் புதிய பாலத்தில் பைக்கை நிறுத்தினார். பின்னர் திடீரென தடுப்புசுவரில் ஏறிய அவர் ஆற்றில் குதித்துள்ளார். அந்த வழியாக சென்றவர்கள் உடனடியாக அங்கு சென்று பார்த்தபோது தண்ணீரின் வேகம் அதிகமாக இருந்ததால் கார்த்திக்கை காணாமல் அதிர்ச்சியடைந்தனர்.