பட்டுக்கோட்டை, ஏப். 19: தஞ்சை மக்களவை தொகுதிக்கு உட்பட்ட பட்டுக்கோட்டை சட்டமன்ற தொகுதியில் மொத்த வாக்காளர்களாக 2,33,664 பேர் உள்ளனர். இதில் ஆண்கள் 1,12,355, பெண்கள் 1,21,288, மூன்றாம் பாலினத்தவர் (மற்றவர்கள்) 21 பேராகும். பட்டுக்கோட்டை சட்டமன்ற தொகுதியில் 271 வாக்குச்சாவடிகள் உள்ளது. இதில் 13 வாக்குச்சாவடிகள் பதற்றமானவையாக கண்டறியப்பட்டது. பட்டுக்கோட்டை சட்டமன்ற தொகுதி முழுவதும் நேற்று காலை 7 மணிக்கு வாக்குப்பதிவு துவங்கியது. காலை 9 மணி வரை பட்டுக்கோட்டை சட்டமன்ற தொகுதியில் 4.27 சதவீத வாக்குகள் மட்டுமே பதிவாகியிருந்தது. காலை 9 முதல் 11 மணி வரை 26.32 சதவீத வாக்குகள் பதிவானது.