திருச்செங்கோடு, ஏப். 5: திருச்செங்கோடு தொமுச அலுவலகத்தில், மத்திய தொழிற்சங்கங்களின், நாமக்கல் மாவட்ட கூட்டு நடவடிக்கை குழு கூட்டம் மாவட்ட செயலாளர் சுந்தரமூர்த்தி தலைமையில் நடந்தது. இந்த கூட்டத்தில் ஏஐடியூசி மாவட்ட பொதுச்செயலாளர் தனசேகரன், சிஐடியூ மாவட்ட செயலாளர் வேலுசாமி, ஐஎன்டியூசி மாவட்ட செயலாளர் பழனிவேல், சிஐடியூ மாவட்ட நிர்வாகிகள் கோவிந்தராஜ், ஐயப்பன், தொமுச மாவட்ட நிர்வாகிகள் முத்துசாமி, சௌந்தரராஜன் உள்ளிட்ட பலர் கலந்து கொண்டனர். கூட்டத்தில், தொழிலாளர் சட்டத்திருத்தம் என்ற பெயரால் 44 வகையான சட்டங்களை, நான்கு தொகுப்புகளாக சுருக்குவது, மோட்டார் வாகன சட்டத் திருத்தம், மின்சார ஒழுங்குமுறை சட்டம் போன்ற தொழிலாளர் விரோத சட்டங்கள் மற்றும் ஹைட்ரோ கார்பன், மீத்தேன் போன்ற மக்கள் விரோத கொள்கைகளை மத்தியில் ஆட்சி செய்த பாஜ அரசு அமலாக்கியது.