நாமக்கல், பிப்.28:தொட்டியம் கொங்குநாடு கல்வி நிறுவனங்களில் கல்லூரி 12வது ஆண்டு விழா கொண்டாடப்பட்டது. கொங்குநாடு பொறியியல் மற்றும் தொழில்நுட்பக் கல்லூரி, கொங்குநாடு பாலிடெக்னிக் கல்லூரி மற்றும் கொங்குநாடு கல்வியியல் கல்லூரிகளில் நடைபெற்ற கல்லூரி ஆண்டு விழாவிற்கு, சிறப்பு விருந்தினர்களாக ஐபிஆர்சி மற்றும் இஸ்ரோ துணை பொது மேலாளர் சுதர்சன், நாமக்கல் இந்தியன் வங்கி உதவி பொது மேலாளர் தாமோதரன், இஸ்ரோ அறிவியல் ஆராய்ச்சியாளர் பழனியப்பன் கலந்து கொண்டனர். கொங்குநாடு கல்வி நிறுவனங்களின் தலைவர் பிஎஸ்கே பெரியசாமி தலைமை உரையாற்றினார். பொருளாளர் பிஎஸ்கே தென்னரசு வரவேற்று பேசினார். செயலாளர் கட்டிட பொறியாளர் பிஎஸ்கே தங்கவேலு வாழ்த்துரை வழங்கினார்.