காரைக்குடி, டிச. 19: காரைக்குடியில் இந்திய மருத்துவர் சங்க கிளையின் புதிய நிர்வாகிகள் பதவியேற்பு விழா நடைபெற்றது. இந்த நிகழ்வில் காவேரி மருத்துவமனை கண் மருத்துவர் டாக்டர் நிர்மலாதேவி வரவேற்றார். தலைவர் டாக்டர் சையது அன்சாரி தலைமை வகித்தார். ஐஎம்ஏ மாநில செயலாளர் டாக்டர் ஸ்ரீதர் ஆகியோர் புதிய நிர்வாகிகளுக்கு பதிவிப் பிரமாணம் செய்து வைத்தனர். ஐஎம்ஏ கிளை புதிய தலைவராக டாக்டர் காமாட்சி சந்திரன், செயலாளராக டாக்டர் கண்ணன், பொருளாளராக டாக்டர் சந்திரமோகன் ஆகியோர் பதவியேற்றுக் கொண்டனர்.