சிதம்பரம், டிச. 11: சிதம்பரம் 6 மற்றும் 7வது வார்டு குப்பைகளை தேக்கி வைத்து உரமாக்க வாகீசநகர் நகராட்சி பூங்கா இருந்த இடத்தில் நுண் உரம் செயலாக்க மையம் தொடங்கப்பட்டுள்ளது. வீடுகள் அதிகம் இருப்பதால் அப்பகுதி மக்களின் கடும் எதிர்ப்புகளுக்கு இடையே அங்கு நுண் உரம் செயலாக்க மையம் நடந்து வருகிறது. மையம் தொடங்கியதில் இருந்து அங்குள்ள குப்பை கழிவுகளால் துர்நாற்றம் வீசுவதோடு ஈக்கள் மற்றும் கொசுக்கள் அதிகரித்து அப்பகுதி மக்கள் கடும் சுகாதார பாதிப்புக்கு ஆளாகியுள்ளனர். இதனால் பல்வேறு தொற்று நோய்கள் ஏற்படும் அபாயம் உள்ளது.
இந்நிலையில் சிதம்பரம் வாகீச நகரில் 6 மற்றும் 7வது வார்டு மக்கள் நலச்சங்கம் சார்பில் நுண் உரம் செயலாக்க மையத்தை மூடக்கோரி சிதம்பரம் கோட்டாட்சியர் அலுவலகம் முன் ஆர்ப்பாட்டம் நடந்தது. சங்க தலைவர் லட்சுமிபதி தலைமை வகித்தார்.