விருத்தாசலம், அக். 17: விருத்தாசலம் அடுத்த கருவேப்பிலங்குறிச்சி ஸ்டேட் பேங்க் அருகில் ஜனநாயக கரும்பு விவசாயிகள் சங்கம் சார்பில் கண்டன ஆர்ப்பாட்டம் நடைபெற்றது. ஆர்ப்பாட்டதிற்கு மாவட்ட அமைப்பாளர் கந்தசாமி தலைமை தாங்கினார். மாநில அமைப்பாளர் ராமர், வயலூர்சுரேஷ், மாநிலக்குழு உறுப்பினர் குப்புசாமி, அன்பழகன் ஆகியோர் முன்னிலை வகித்தனர். அனைத்து விவசாய சங்க கூட்டமைப்பின் மாவட்ட செயலாளர் கார்மாங்குடி வெங்கடேசன், திமுக முன்னாள் ஒன்றிய செயலாளர் வேல்முருகன் பரமகுரு, பஞ்சமூர்த்தி ஆகியோர் கண்டன உரை நிகழ்த்தினர்.