சென்னை: இந்திய யூனியன் முஸ்லிம் லீக் கட்சியின் மாநில பொதுச்செயலாளரும் முன்னாள் எம்எல்ஏவுமான கே.ஏ.எம்.முகமது அபூபக்கர் வெளியிட்டுள்ள அறிக்கை:
இந்திய யூனியன் முஸ்லிம் லீக் கட்சியின் 75வது பவள விழா மாநாடு சென்னையில் 8, 9, 10 ஆகிய தேதிகளில் 3 நடக்கிறது. பல்வேறு நிகழ்ச்சிகளுக்கு ஏற்பாடு செய்யப்பட்டுள்ளது. 8ம் தேதி காலை 10 மணிக்கு சென்னை ராயபுரத்தில் உள்ள ரஹ்மான் மஹாலில் பல்வேறு மதங்களை சேர்ந்த 75 ஜோடிகளுக்கு இலவச திருமணம் நடத்தப்படுகிறது. இதில், கட்சியின் தேசிய தலைவர் கே.எம்.காதர்மொகிதீன், அமைச்சர் பி.கே.சேகர்பாபு, தமிழ்நாடு சிறுபான்மையினர் ஆணைய தலைவர் எஸ்.பீட்டர் அல்போன்ஸ் உட்பட பலர் கலந்துகொள்கின்றனர்.