ஜம்மு: காஷ்மீர் நடிகையை கொன்ற வழக்கில் தேடப்பட்ட பயங்கரவாதிகளில் 3 பேரை பாதுகாப்பு படையினர் துப்பாக்கி முனையில் பிடித்தனர். ஜம்மு காஷ்மீர் மாநிலம் புத்காமில் பயங்கரவாதிகளுக்கும், பாதுகாப்பு படையினருக்கும் இடையே மோதல் ஏற்பட்டது. புட்காமின் வாட்டர்ஹில் பகுதியில் நடந்த என்கவுன்டர் சம்பவத்தில், லஷ்கர் இ தொய்பா அமைப்பின் பயங்கரவாதிகள் 3 பேர் சிக்கியுள்ளதாக தகவல் வெளியாகியுள்ளது. இவர்கள் கடந்த மே மாதம் சந்துரா தாலுகா அலுவலக ஊழியர் ராகுல் பட் மற்றும் காஷ்மீரி நடிகை அம்ரீன் பட் ஆகியோரை கொன்ற சம்பவத்தில் தொடர்புடையவர்கள் என்று தகவல்கள் தெரிவிக்கின்றன.