ஐதராபாத்: லேடி பவர் ஸ்டார் என்ற பட்டம் தனக்கு வேண்டாம் என சாய் பல்லவி மறுத்துள்ளார். ராணாவுடன் விராட பர்வம் தெலுங்கு படத்தில் நக்சல் பெண்ணாக சாய் பல்லவி நடித்துள்ளார். இந்த படத்துக்கான புரமோஷன்களில் சாய் பல்லவியை லேடி பவர் ஸ்டார் என்ற பட்டத்துடன் ரசிகர்கள் அழைத்து வருகின்றனர். சில நாட்களுக்கு முன் நடந்த திரைப்பட விழா ஒன்றில், பவன் கல்யாண் பவர் ஸ்டார் என்றால் சாய் பல்லவி லேடி பவர் ஸ்டார் என புஷ்பா படத்தின் இயக்குனர் சுகுமார் கூறினார். அப்போது முதல் ரசிகர்கள் அவரை லேடி பவர் ஸ்டார் என அழைத்து வருகிறார்கள். இயக்குனர்கள் சிலர் தங்களது படத்தில் லேடி பவர் ஸ்டார் சாய் பல்லவி என குறிப்பிட அவரிடம் அனுமதி கேட்டு வருகிறார்கள்.