வத்திராயிருப்பு: புரட்டாசி மஹாளய அமாவாசையை முன்னிட்டு சுந்தரமகாலிங்கம் கோயிலில் ஆயிரக்கணக்கான பக்தர்கள் சுவாமி தரிசனம் செய்தனர்.மதுரை மாவட்டம், சாப்டூர் அருகே சதுரகிரி சுந்தரமகாலிங்கம் கோயில் உள்ளது. நேற்று மஹாளய அமாவாசையை முன்னிட்டு அதிகாலை 4.30 மணிக்கு ஏராளமான பக்தர்கள், தாணிப்பாறை வனத்துறை கேட்டு முன்பு குவிந்தனர். பின்னர் தரிசனத்துக்காக அனுமதிக்கப்பட்டனர். கடந்த சில நாட்களாக சதுரகிரி மலைப்பகுதியில் மழை பெய்ததால், தாணிப்பாறை அடிவாரம், வழுக்கல் பாறை, அதற்கு கீழ் உள்ள பாதை வரை தண்ணீர் சென்று கொண்டிருக்கிறது. இதனால் குடிநீர் பிரச்னை ஓரளவு தீர்ந்துள்ளது.