பாட்னா: பீகார் தலைநகர் பாட்னாவில் நேற்று பாஜ.வின் சார்பில் மக்கள் விழிப்புணர்வு கூட்டம் நடைபெற்றது. இதில், பாதுகாப்பு துறை அமைச்சர் ராஜ்நாத் சிங் கலந்து கொண்டு பேசியதாவது: பாகிஸ்தான் ஏற்கனவே நம்பிக்கையை இழந்து விட்டது. பாகிஸ்தான் ஆக்கிரமிப்பு காஷ்மீர் பகுதிக்கு வந்த அந்நாட்டு பிரதமர் இம்ரான்கான், இந்திய  எல்லைக்குள் யாரும் செல்ல வேண்டாம் என அறிவுறுத்தி உள்ளார். அது மிகவும் நல்ல அறிவுரை தான். ஏனென்றால், அந்த தவறை அவர்கள் மீண்டும் செய்து இந்திய எல்லைக்குள் அத்துமீறினால், பாகிஸ்தானுக்கு திரும்பி செல்ல மாட்டார்கள். கடந்த 1967, 1971ம் ஆண்டு செய்த தவறுகளை பாகிஸ்தான் மீண்டும் செய்து விடக்கூடாது.

காஷ்மீர் சிறப்பு அந்தஸ்துக்கான சட்டப்பிரிவு 370 மற்றும் 35ஏ ஆகியவை தான் காஷ்மீரில் தீவிரவாதம் வளர மிகப்பெரிய காரணம். ஜம்மு காஷ்மீரில் ரத்தக்கறை படிவதற்கு தீவிரவாதம்தான் காரணம். பாகிஸ்தான் தொடர் ந்து பலூச்சி மக்களுக்கு எதிராகவும், பஸ்தான் மக்களுக்கு எதிராகவும் மனித உரிமை மீறல்களில் ஈடுபட்டு வருகிறது. இதேபோல், தொடர்ந்து செய்து வந்தால் வரும் காலங்களில் பாகிஸ்தான் இன்னும் துண்டு, துண்டாக சிதறுவதை யாராலும் தடுக்க முடியாது என்றார்.