கரூர் : கரூர் நகராட்சி சார்பில் இயக்கப்படும் குப்பை சேகரிக்கும் வாகனங்களில் உள்ள தொட்டிகள் பழுதடைந்துள்ளதால், தெருவெங்கும் குப்பைகள் காற்றில் பறந்து சுகாதார சீர்கேட்டினை ஏற்படுத்தி வருகிறது. கரூர் நகராட்சிக்குட்பட்ட அனைத்து பகுதிகளிலும் ஆங்காங்கே சேகரிக்கப்படும் குப்பைகள் அனைத்தும் நகராட்சி சார்பில் இயக்கப்படும் வேன்களில் பொருத்தப்பட்டுள்ள தொட்டிகள் மூலம் அள்ளப்பட்டு, வாங்கல் சாலையில் உள்ள குப்பை கிடங்கில் கொட்டப்பட்டு வருகிறது.‘அந்த வகையில், கரூர் நகராட்சி சார்பில் குப்பைகளை அள்ள 3 வேன்கள் செயல்படுகிறது. இந்த வேன்களில் இணைக்கப்பட்டுள்ள திடக்கழிவு மேலாண்மை தொட்டிகள் அனைத்தும் ஓட்டை உடைசலாக உள்ளதால், குப்பைகள் ஏற்றிக் கொண்டு வேன் செல்லும் போது, காற்றில் குப்பைகள் வெளியேறி தெருவுக்குள் பரவி கிடக்கிறது.