சென்னை: சுந்​தர்​.சி இயக்​கத்​தில், மதகஜ​ராஜா, ஆம்​பள, ஆக் ஷன் ஆகிய படங்​களில் நடித்​துள்​ளார் விஷால். இதில் மதகஜராஜா, ஆம்பள ஆகிய படங்​கள் வரவேற்​பைப் பெற்றன. ‘மதகஜ​ராஜா’, படம் உரு​வாகி 12 வருடத்​துக்​குப் பிறகு வெளி​யாகி வெற்றி பெற்​றது. இதையடுத்து சுந்தர்.சி, விஷால் மீண்​டும் இணை​யும் படம் ‘புருஷன்’. இதன் டைட்​டில் புரமோ வீடியோ சமீபத்​தில் வெளி​யாகி வரவேற்​பைப் பெற்​றது. ஆக்ஷன் கலந்த காமெடி கதைக் களத்​துடன் உரு​வாகும் இப்​படத்​தில் தமன்​னா, யோகி பாபு ஆகியோர் முக்​கிய கதா​பாத்​திரங்​களில் நடிக்​கின்​றனர். ஹிப்​ஹாப் ஆதி இசையமைக்​கிறார். அவ்னி சினி மேக்ஸ் சார்​பாக குஷ்பு​வும் அவரது மகள் அனந்​தி​தா​வும் தயாரிக்​கின்​றனர். இந்​தப் படத்​தின் படப்​பிடிப்பு நேற்று கொல்​கத்​தா​வில் தொடங்க இருந்​தது. இதற்​காகச் சுந்​தர்​.சி, விஷால் உள்​ளிட்ட படக்​குழு​வினர் இன்று அங்கு செல்ல இருந்​தனர். இந்​நிலை​யில் படப்​பிடிப்பு திடீரென தள்ளி வைக்​கப்​பட்​டுள்​ளது. சுந்​தர். சிக்கு உடல்நிலை சரி​யில்​லாத​தால் படப்​பிடிப்பு தள்ளி வைக்​கப்​பட்​டுள்​ள​தாகக் கூறப்​படு​கிறது.