தம்பி மகளும் நடிகையுமான நிஹாரிகாவுக்கு ரூ.1 கோடியே 50 லட்சம் மதிப்புள்ள திருமண பரிசுகளை வழங்கியுள்ளார் நடிகர் சிரஞ்சீவி. தெலுங்கு சினிமா சூப்பர் ஸ்டார் சிரஞ்சீவியின் தம்பிகள் பவன் கல்யாண், நாகேந்திர பாபு. இதில் நாகேந்திர பாபுவின் மகள் நிஹாரிகா, தெலுங்கில் சில படங்களில் ஹீரோயினாக நடித்தார். தமிழில் விஜய் சேதுபதி நடித்த ஒரு நல்ல நாள் பார்த்து சொல்றேன் படத்தில் நடித்திருந்தார். இவர் சைதன்யா என்பவரை காதலித்து வந்தார். இரு வீட்டாரும் சம்மதம் தெரிவித்ததும் நிச்சயதார்த்தம் நடந்தது. இன்று உதய்ப்பூரில் திருமணம் நடைபெற உள்ளது. இதை முன்னிட்டு திருமண சடங்கு நிகழ்ச்சிகள் ஐதராபாத்தில் நேற்று முன்தினம் நடைபெற்றது.