விஜய் ஆண்டனியின் 25வது படமாக வெளியாக இருக்கிறது ‘ சக்தி திருமகன் ‘ திரைப்படம். ‘பிச்சைக் காரன்‘ படத்திற்குக் கிடைத்த வரவேற்பால் விஜய் ஆண்டனிக்கு தெலுங்கிலும் வரவேற்பு இருக்கும் பட்சத்தில் இப்படம் தெலுங்கில் ‘பராசக்தி‘ என்னும் பெயரில் வெளியாகவிருக்கிறது. ஆக்‌ஷன் ஃபேமிலி என்டர்டெய்னராக இருக்கும் என்று படக்குழு உறுதியளித்துள்ளனர்.

இயக்குநர் அருண் பிரபு இப்படத்தை இயக்கவிருக்கிறார். இவரின் முந்தைய படங்களான ‘அருவி‘, ‘வாழ்‘ உள்ளிட்ட படங்கள் இப்போதும் தமிழ் சினிமாவின் தனித்துவமான கதைகளாகக் கொண்டாப்பட்டு வருகின்றன. அதன் வரிசையில் இப்படமும் ஆழமான கதையுடன் கூடிய ஆக்‌ஷன் மாஸ் படமாக இடம் பெறும் என்கிறது படக்குழு. படத்தை விஜய் ஆண்டனி ஃபிலிம்ஸ் கார்ப்பரேஷன் தயாரிக்க, மீரா விஜய் ஆண்டனி வழங்குகிறார்.விஜய் ஆண்டனி நாயகனாக நடிக்கும் இப்படத்தில் வாகை சந்திரசேகர், சுனில் கிரிப்லானி, செல் முருகன், த்ருப்தி ரவீந்திரன் மற்றும் குழந்தை நடிகர் மாஸ்டர் கேசவ் ஆகிய திறமையான நடிகர்கள் குழு உடன் நடிக்கவிருக்கிறார்கள்.

படத்தை அருண் பிரபு இயக்க, ஷெல்லி காலிஸ்ட் ஒளிப்பதிவு செய்கிறார். படத்திற்கு இசை விஜய் ஆண்டனி. ரேமண்ட் டெரிக் க்ராஸ்டா படத்தொகுப்பில் , ராஜசேகர் நடனம் அமைக்கிறார்.
குடும்பம், ஆக்‌ஷன், மாஸ் மற்றும் உணர்வுகள் சூழந்த கதையாக நிச்சயம் ‘சக்தி திருமகன்‘ பார்வையாளர்களுக்கு நல்லதொரு திரை அனுபவத்தைக் கொடுக்கும் என்கிறது படக்குழு. விஜய் ஆண்டனியின் 25வது திரைப்படமாக அவருடைய கேரியரிலும் முக்கியத்துவம் வாய்ந்த படமாக அமையும். தற்சமயம் படம் போஸ்ட் புரடெக்‌ஷனில் உள்ளது. படம் குறித்து கூடுதல் அறிவிப்புகள் விரைவில் வெளியாகும்.