ஜம்மு: ஜம்மு காஷ்மீருக்கான முதல் வந்தே பாரத் ரயிலை பிரதமர் மோடி ஏப்ரல் 19ம் தேதி கொடியசைத்து தொடங்கி வைக்கிறார் என அமைச்சர் ஜிதேந்திர சிங் தெரிவித்துள்ளார். நாட்டின் பல்வேறு மாநிலங்களிலும் வந்தே பாரத் ரயில் சேவை இயங்கி வருகின்றது. இந்நிலையில் ஜம்மு காஷ்மீரிலும் முதல் முறையாக வந்தே பாரத் ரயில் இயக்கப்பட உள்ளது. ஜம்மு -கத்ரா-நகர் ஆகிய மூன்று நகரங்களை இணைக்கும் வகையில் வந்தே பாரத் ரயில் இயக்கப்படுகின்றது. தற்போது ரயில் நிலைய கட்டுமான பணிகள் நடைபெற்று வருகின்றது. எனவே முதல் கட்டமாக கத்ராவில் இருந்து நகர் வரை மட்டுமே வந்தே பாரத் ரயில் இயக்க திட்டமிடப்பட்டுள்ளது.

இதனை தொடர்ந்து ரயில் நிலைய பணிகள் முடிவடைந்த பின் ஜம்மு வரை வந்தே பாரத் இயக்கப்படும். நேற்று முன்தினம் ஜம்முவில் செய்தியாளர்களிடம் பேசிய அமைச்சர் ஜிதேந்திர சிங் கூறுகையில்,‘‘பிரதமர் மோடி ஏப்ரல் 19ம் தேதி உதம்பூர் வருகிறார். உலகின் மிகப்பெரிய ரயில்வே பாலத்தை அவர் திறந்து வைக்கிறார். இதனை தொடர்ந்து கத்ராவில் இருந்து ஜம்மு காஷ்மீருக்கான முதல் வந்தே பாரத் ரயிலை பிரதமர் கொடி அசைத்து தொடங்கி வைப்பார்’’ என்றார்.

The post ஏப்ரல் 19ம் தேதி முதல் காஷ்மீருக்கு வந்தே பாரத் ரயில் appeared first on Dinakaran.