சென்னை: தேனாம்பேட்டை, எம்.கே.ராதா நகர், எஸ்.எஸ்.புரம் பகுதியை சேர்ந்தவர் தேவிகா (38). இவர் நேற்று முன்தினம் தி.நகர். ஜி.என்.செட்டி ரோட்டில் நடந்து சென்று கொண்டிருந்த போது, அங்கு வந்த மர்ம நபர், தேவிகாவை வழிமறித்து, அவரிடமிருந்த 450 ரூபாயை பறித்து சென்றார். புகாரின் பேரில், தேனாம்பேட்டை போலீசார் வழக்குப்பதிவு செய்து விசாரணை மேற்கொண்டனர். அதில், அதே பகுதியை சேர்ந்த அஜித்குமார் என்பது தெரிந்தது. அவரை கைது செய்தனர். இவர் மீது, கடந்த சில மாதங்களுக்கு முன் தேவிகாவின் கணவரை தாக்கியது உள்ளிட்ட 2 குற்ற வழக்குகள் உள்ளது தெரியவந்தது. பின்னர், அஜித்குமாரை கைது செய்து, நீதிமன்றத்தில் ஆஜர்படுத்தி சிறையில் அடைத்தனர்.

The post பெண்ணிடம் வழிப்பறி வாலிபர் கைது appeared first on Dinakaran.