சென்னை: ராஜேந்திர பிரசாத், வங்கி மேலாளர், இந்தியன் வங்கி என்பவர் அளித்த புகாரில் போலியான ஆவணங்களை சமர்பித்து வங்கியில் ரூ.2.30 கோடி பெற்ற C.N. ரமேஷ், வேலவன் தீபக், சரவணகுமார் மற்றும் பவளபாலன் ஆகிய 4 பேரும் கூட்டாக சேர்ந்து வங்கியில் தொழில் கடன் பெற்று, கடன் தொகையை திருப்பி செலுத்தாமல் ஏமாற்றியவர்கள் மீது நடவடிக்கை எடுக்கக்கோரி சென்னை பெருநகர காவல் ஆணையாளர் அவர்களிடம் கொடுத்த புகாரின் பேரில் மத்திய குற்றப்பிரிவு, வங்கி மோசடி புலனாய்வு பிரிவில் வழக்கு பதிவு செய்யப்பட்டது.

சென்னை பெருநகர காவல் ஆணையாளர் A.அருண் உத்தரவின் பேரில், வங்கி மோசடி புலனாய்வு பிரிவு காவல் குழுவினர் மேற்கொண்ட விசாரணையில், எதிரிகள் மேற்படி வங்கியை ஏமாற்றும் நோக்கில் V Tech Park என்ற நிறுவனத்தை பெயரளவில் போலியாக துவக்கியும், போலியான மதிப்பீட்டு ஆவணங்களை (quotation) தயாரித்தும், அதை வங்கியில் சமர்பித்து தொழில் கடனாக ரூ.2.30 கோடி பெற்று வங்கிக்கு திருப்பி செலுத்தாமல் ஏமாற்றியுள்ளது தெரியவருகிறது.

அதன்பேரில், மேற்படி மோசடியில் ஈடுபட்ட C.N.ரமேஷ், ஆ/வ-57, த/பெ.நீலகண்டன், எண். 02/691. 2வது மெயின் ரோடு. ரங்காரெட்டி கார்டன். நீலாங்கரை, சென்னை என்பவரை நேற்று (26.11.2024) கைது செய்து கனம் கூடுதல் பெருநகர குற்றவியல் நடுவர் சென்னை நீதிமன்றத்தில் ஆஜர்ப்படுத்தி சிறையில் அடைக்கப்பட்டார். மேற்படி மோசடி நபரை கைது செய்த வங்கி மோசடி புலனாய்வு பிரிவு, காவல் ஆளினர்களை சென்னை பெருநகர காவல் ஆணையாளர் வெகுவாக பாராட்டினார்கள்.

The post இந்தியன் வங்கியில் போலியான ஆவணங்களை சமர்பித்து தொழில் கடன் பெற்று மோசடி செய்த நபர் கைது appeared first on Dinakaran.