கூடலூர், நவ.26: நீலகிரி மாவட்டம், கூடலூரை அடுத்துள்ள புளியம்பாறை அரசு உயர்நிலைப்பள்ளியில் நேற்று முன்தினம் இரவு வந்த 2 காட்டு யானைகள் பள்ளியின் குடிநீர் குழாய்களை உடைத்து சேதப்படுத்தி உள்ளன. தொட்டியில் இருந்து பள்ளிக்கு வரும் குழாய் இணைப்புகளை உடைத்து தண்ணீர் குடித்துள்ளன.

இந்த பள்ளியில் இதுவரை சுமார் 5 முறை காட்டு யானைகள் புகுந்து சேதங்களை ஏற்படுத்தி உள்ளது. இதனால் அப்பகுதி மக்கள் பீதியில் உள்ளனர். யானைகள் பள்ளி வளாகத்திற்குள் வராமல் தடுக்க பள்ளியை சுற்றிலும் பாதுகாப்பாக சுற்றுச்சுவர் அமைக்க வேண்டும் என கோரிக்கை எழுந்துள்ளது.

The post கூடலூர் அருகே அரசு பள்ளியில் புகுந்த காட்டு யானை appeared first on Dinakaran.