குடியாத்தம், நவ.22: குடியாத்தம் அடுத்த அக்ரஹாரம் கிராம பகுதியில் உள்ள ஆற்றில் இருந்து ஆட்டோ மூலம் மணல் கடத்துவதாக குடியாத்தம் தாலுகா போலீசாருக்கு தகவல் கிடைத்தது. அதன்படி இன்ஸ்பெக்டர் சாந்தி மற்றும் போலீசார் நேற்று அப்பகுதியில் தீவிர சோதனையில் ஈடுபட்டனர். அப்போது ஆட்டோ மூலம் மணல் கடத்தி வந்த நபர் போலீசாரை கண்டதும் வாகனத்தை சாலையில் நடுவே நிறுத்திவிட்டு அங்கிருந்து தப்பி ஓடி தலைமறைவானார். பின்னர் போலீசார் ஆட்டோ மற்றும் அதிலிருந்த 10 மணல் மூட்டைகளை பறிமுதல் செய்து குடியாத்தம் காவல் நிலையத்திற்கு கொண்டு சென்றனர். மேலும் வழக்கு பதிந்து தப்பியோடிய நபரை தேடி வருகின்றனர்.

பொன்னை: மேல்பாடி அடுத்த சோமநாதபுரம் பகுதியில் எஸ்ஐ தர்மன் தலைமையிலான போலீசார் சென்னை- பெங்களூரு புதிய எக்ஸ்பிரஸ் சாலையில் வாகன சோதனையில் ஈடுபட்டனர். அப்போது அனுமதியில்லாமல் ஆந்திராவில் இருந்து டிப்பர் லாரியில் மணல் ஏற்றி வந்த அருப்பாக்கம் கொடுக்கங்தாங்கள் பாறை கிராமத்தைச் சேர்ந்த ஏழுமலை (41) என்பவரை போலீசார் கைது. மேலும் லாரியை பறிமுதல் செய்து காவல் நிலையம் கொண்டு சென்றனர்.

The post மணல் கடத்திய ஆட்டோ, லாரி பறிமுதல் ஒருவர் கைது appeared first on Dinakaran.