38வது நிமிடத்தில் பிரான்ஸ் வீரர் ஒஸ்மான் டெம்பிள் தட்டித்தந்த பந்தை கேப்டன் கிளியன் எம்பாப்பே கோலாக்க முயற்சித்தார். அந்த கோல் முயற்சியை ஆஸ்திரிய வீரர் மேக்ஸ்மிலன் வோபர் தலையால் முட்டி திசை மாற்ற முயன்றபோது, பந்து சொந்த கோல் வலைக்குள் புகுந்தது. இந்த சுய கோலால் பிரான்ஸ் 1-0 என முன்னிலை பெற்றது. 2வது பாதியில் பிரான்ஸ் அணிக்கு கிடைத்த அருமையான வாய்ப்பை எம்பாப்பே (54வது நிமிடம்) தவறவிட்டார். இருதரப்பும் கோலடிக்க முனைப்பு காட்டியதில், முட்டல் மோதல் ஏற்பட நடுவர்கள் மஞ்சள் அட்டை காட்டி எச்சரித்தனர். 2வது பாதியில் மட்டும் 5 வீரர்கள் மஞ்சள் அட்டை எச்சரிக்கைக்கு ஆளானார்கள். பிரான்ஸ் வீரர்கள் ஆன்டோய்னி டச்சோமேனி, கிளியன் எம்பாப்பே ஆகியோர் காயம் அடைந்தனர். மேற்கொண்டு கோல் ஏதும் விழாத நிலையில், பிரான்ஸ் 1-0 என்ற கோல் கணக்கில் முதல் வெற்றியை பதிவு செய்தது.
The post ஆஸ்திரியா சுய கோல் பிரான்ஸ் வெற்றி appeared first on Dinakaran.