ஊட்டி, ஆக.20: ஊட்டி அகலாரில் உள்ள சத்ய சாய் மெட்ரிக் பள்ளியில் நடைபெற்ற கோகோ போட்டியில் மாணவர்கள் ஆர்வமுடன் கலந்து கொண்டு விளையாடினர்.நீலகிரி மாவட்டம், ஊட்டி அகலாரில் உள்ள சத்ய சாய் மெட்ரிக் பள்ளியில் குறுமைய அளவிலான கோகோ போட்டி நடைபெற்றது. சத்ய சாய் பள்ளியின் தாளாளர் மற்றும் தலைமை ஆசிரியர் போட்டியை துவக்கி வைத்தனர். இதில் உடற்கல்வி ஆசிரியர்கள் ஜெயக்குமார், காமராஜ், முரளி, ஆல்துரை ஆகியோர் நடுவர்களாக பணியாற்றினார். இந்த போட்டிகளில் 14 வயதிற்கு உட்பட்ட மாணவிகளின் ஏஎஸ்டி அணி வென்றது. 17 மற்றும் 19 வயதிற்கு உட்பட்ட மாணவிகளில் சத்யசாய் பள்ளி அணி வென்றது . 14 மற்றும் 17 வயதிற்கு உட்பட்ட மாணவர்கள் பிரிவில் ஊட்டி நிர்மலா மெட்ரிக் பள்ளி அணி வெற்றி பெற்றது. 19 வயதிற்குட்பட்டவர்கள் பிரிவில் சத்யசாய் மெட்ரிக் பள்ளி அணி வென்றது.

The post கோகோ போட்டியில் பள்ளி மாணவர்கள் அசத்தல் appeared first on Dinakaran.