திருவிடைமருதூர், ஆக. 3: திருப்பனந்தாளில் நிரந்தர பருத்தி ஒழுங்குமுறை விற்பனை கூடம் அமைக்க வேண்டும் என்று விவசாயிகள் சங்கத்தினர் தீர்மானம் நிறைவேற்றியுள்ளனர். தஞ்சை மாவட்டம் திருப்பனந்தாளில் தமிழ்நாடு விவசாயிகள் சங்க ஒன்றியக்குழு கூட்டம் நடைபெற்றது. ஒன்றிய தலைவர் கலைமணி தலைமை வகித்தார். ஒன்றிய பொறுப்பாளர் ஜீவபாரதி, விவசாய சங்க நிர்வாகிகள் ராஜேந்திரன், கொளஞ்சிநாதன், சாமிக்கண்ணு, ஐயப்பன், கணேசன் உள்ளிட்ட விவசாயிகள் கலந்து கொண்டனர். திருப்பனந்தாள் பகுதியில் விவசாயம் செய்த பருத்திகளைக் கொள்முதல் செய்வதற்கு பருத்தி ஒழுங்குமுறை விற்பனை கூடம் தற்காலிகமாக அமைந்ததாலும், மழை நேரங்களில் பருத்தி கொள்முதல் செய்ய முடியாமல் விவசாயிகள் தவித்து வருகிறார்கள். எனவே திருப்பனந்தாளில் பருத்தி ஒழுங்குமுறை விற்பனை நிலையத்திற்கு மழை காலங்களில் தண்ணீர் தேங்காத மேடான பகுதிகளில் நிரந்தர கொள்முதல் நிலையம் ஏற்படுத்த வேண்டும். கொள்முதல் நிலையங்களில் பருத்தி உலர் இயந்திர வசதியை ஏற்படுத்தி கொடுக்க வேண்டும்.