14.11.2024 முதல் 20.11.2024 வரை
சாதகங்கள்: வாரத் தொடக்கத்தில் கார்த்திகை மாதம் பிறந்து சூரியன் விருச்சிக ராசியில் நுழைகின்றார். உங்களுடைய ராசி அதிபன் நீசகதியிலிருந்து நிவர்த்தி பெறுவது ஒரு வகையில் சிறப்பு. நான்காம் இடத்தில் புதன் சூரியனோடு இணைந்து புத ஆதித்ய யோகத்தை ஏற்படுத்துகின்றார். பக்தி அதிகரிக்கும். கோயில் தரிசனம் கிடைக்கும். ஐந்து எட்டுக்கு உரிய குரு பகவான் வக்ரம் பெறுவதால், சில எதிர்பாராத நன்மைகள் கிடைக்கும். ஐந்தாம் இடத்திலே சுக்கிரன் இருப்பதால், ஆடை ஆபரணச் சேர்க்கை உண்டு. மனதில் ஓரளவு சந்தோஷமும் குடும்ப அமைதியும் உண்டு.
கவனம் தேவை: வாக்கு ஸ்தானத்தில் கேது, அஷ்டமஸ்தானத்தில் ராகு, ஏழாம் இடத்தில் சனி ராசியைப் பார்ப்பது, இவைகள் எல்லாம் உங்களுக்கு எதிர்மறை பலன் செய்யும் அமைப்புகள். தொழில் போட்டிகள் ஏற்பட்டு நிம்மதி குறையும். பணம் கொடுக்கல் வாங்கல்களில் விவகாரங்கள் ஏற்படும். 12ஆம் இடத்தில் செவ்வாய் நீசத்தில் இருப்பதால் ரியல் எஸ்டேட், வீடு கட்டுதல் முதலிய துறைகளில் பிரச்னைகளும் பின்னடைவும் ஏற்படும்.
பரிகாரம்: ராசிநாதன் சூரியன் பலவீனமாக இருப்பதால், ஞாயிறு காலை விரதமிருந்து சூரிய காயத்ரி சொல்லுங்கள். அருகாமையில் உள்ள ஈஸ்வரன் கோயிலுக்குச் சென்று வழிபட்டு வாருங்கள்.
