தென் ஆப்ரிக்க பந்துவீச்சில் ரபாடா 5, பர்கர் 3, யான்சென், கோட்ஸீ தலா 1 விக்கெட் வீழ்த்தினர். இதையடுத்து, தென் ஆப்ரிக்கா முதல் இன்னிங்சை தொடங்கியது. மார்க்ரம் 5 ரன்னில் வெளியேற, டீன் எல்கர் – டோனி டி ஸோர்ஸி ஜோடி 2வது விக்கெட்டுக்கு 93 ரன் சேர்த்தது. ஸோர்ஸி 28, கீகன் பீட்டர்சன் 1 ரன் எடுத்து பும்ரா வேகத்தில் பெவிலியன் திரும்பினர். அடுத்து எல்கர் – டேவிட் பெடிங்காம் இணைந்து 4வது விக்கெட்டுக்கு 131 ரன் சேர்த்தனர். இந்த தொடருடன் ஓய்வு பெற உள்ள எல்கர் சதம் விளாச, அறிமுக வீரர் பெடிங்காம் அரை சதம் அடித்து அசத்தினார்.
பெடிங்காம் 56 ரன் (87 பந்து, 7 பவுண்டரி, 2 சிக்சர்), கைல் வெர்ரைன் 4 ரன் எடுத்து விக்கெட்டை பறிகொடுத்தனர். தென் ஆப்ரிக்கா 66 ஓவரில் 5 விக்கெட் இழப்புக்கு 256 ரன் எடுத்த நிலையில், போதிய வெளிச்சம் இல்லாததால் 2ம் நாள் ஆட்டம் முடிவுக்கு வந்தது. இந்திய பந்துவீச்சில் பும்ரா, சிராஜ் தலா 2, பிரசித் 1 விக்கெட் வீழ்த்தினர். டீன் எல்கர் 140 ரன், மார்கோ யான்சென் 3 ரன்னுடன் களத்தில் உள்ளனர். கை வசம் 5 விக்கெட் இருக்க, 11 ரன் முன்னிலையுடன் தென் ஆப்ரிக்கா இன்று 3ம் நாள் ஆட்டத்தை விளையாடுகிறது.
The post டீன் எல்கர் அபார சதம் தென் ஆப்ரிக்கா முன்னிலை appeared first on Dinakaran.