நாமக்கல், அக்.28: ராசிபுரம் அடுத்த அத்தனூர் ஆயிபாளையம் கிராமத்தை சேர்ந்த சுமார் 50க்கும் மேற்பட்ட பெண்கள், நேற்று மாலை கலெக்டர் அலுவலகம் திரண்டு வந்து, கோரிக்கை மனு அளித்தனர். அதன் விபரம் வருமாறு:
ஆயிபாளையத்தில் 210 குடும்பத்தினர் வசித்து வருகிறோம். கடந்த 35 ஆண்டாக அரசு புறம்போக்கு நிலத்தின் வழிப்பாதையை பயன்படுத்தி வந்தோம். அது பஞ்சாயத்து சாலையாகும். இந்நிலையில் யோகேசன் என்பவர், கடந்த 16ம் தேதி பொக்லைன் இயந்திரம் மூலம் புறம்போக்கு நிலத்தில் இருந்த மரங்கள், சாக்கடை கால்வாய்களையும் உடைத்து அந்த நிலத்தை ஆக்கிரமித்துள்ளார்.