ஆத்தூர், மார்ச் 13: ஆத்தூர் நகராட்சி 7வது வார்டில் இடிந்து விழும் நிலையில் உள்ள மேல்நிலை நீர்த்தேக்கத் தொட்டியை இடித்து அகற்றிவிட்டு, புதிதாக கட்டவேண்டும் என பொதுமக்கள் கோரிக்கை விடுத்துள்ளனர். ஆத்தூர் நகராட்சி 7வது வார்டுக்குட்பட்ட அம்மன் நகர் பகுதியில், 100க்கும் மேற்பட்ட குடும்பத்தினர் வசிக்கின்றனர். இந்த பகுதியில் கடந்த 1996ம் ஆண்டு மேல்நிலை நீர்தேக்கத்தொட்டி கட்டப்பட்டது. தற்போது இந்த தொட்டி பழுதடைந்து சிமெண்ட் காரைகள் பெயர்ந்தும், பல இடங்களில் விரிசல் விழுந்து, எந்த நேரத்திலும் இடிந்து விழும் ஆபத்தான நிலையில் உள்ளது.