கோவை, ஜன.22: உலக பொருளாதார மாநாட்டில் பங்கேற்க சுவிட்சர்லாந்து சென்றுள்ள ஈஷா அறக்கட்டளை நிறுவனர் சத்குருவுக்கு உலக பொருளாதார கூட்டமைப்பின் தலைவர் கிளாஸ் ஷ்வாப் உற்சாக வரவேற்பு அளித்தார். உலக பொருளாதார கூட்டமைப்பு சார்பில் 50ம் ஆண்டு பொருளாதார உச்சி மாநாடு சுவிட்சர்லாந்தில் உள்ள டாவோஸ் நகரில் நேற்று துவங்கி வரும் 24ம் தேதி வரை நடக்கிறது. இதில் அரசியல், வணிகம், கல்வி, சுற்றுச்சூழல் உள்ளிட்ட துறைகளில் மிகச்சிறந்த தலைவர்கள் 3 ஆயிரம் பேர் பங்கேற்கின்றனர்.