கோவை, அக்.2: கோவை இருகூர் ரயில் நிலையத்தில் பாசஞ்சர் ரயில் மற்றும் சரக்கு ரயில்கள் நிறுத்தப்படுகிறது. கோவை ஈரோடு, திருப்பூர், பாலக்காடு மார்க்கமாக செல்லும் பாசஞ்சர் ரயில்கள் இந்த ரயில் நிலையத்தில் நிறுத்தப்படுகிறது. இங்கே பிளாட்பாரம் அமைக்கப்படவில்லை. பயணிகள், ரயிலில் ஏறி இறங்க முடியாமல் அவதிப்பட்டு வருகின்றனர். சிறார், பெரியவர்கள், கர்ப்பிணி பெண்கள் மற்றவர்கள் உதவி இருந்தால் மட்டுமே ரயில் பெட்டியில் ஏறி இறங்க முடியும் என்ற நிலையிருக்கிறது. கடந்த 20 ஆண்டிற்கு மேலாக இங்கே பிளாட்பாரம் அமைக்க கோரிக்கை விடப்பட்டு வருகிறது. ஆனால் பிளாட்பாரம் அமைக்க ரயில்வே நிர்வாகம் முன் வரவில்லை.