வேதாரண்யம், செப்.30: வேதாரண்யம் தாலுகாவில் 2018-2019 ஆண்டு பயிர் காப்பீட்டு தொகை தற்போது வேதாரண்யம் பகுதி விவசாயிகளுக்கு வழங்கப்பட்டு வருகிறது. இதில் வேதாரண்யம் தாலுகா புஷ்பவனம் வேளாண்மை கூட்டுறவு கடன் சங்கம் மூலம் 2017- 18ம் ஆண்டிற்கு பயிர் காப்பீடு 838 விவசாயிகளுக்கு ரூ.2.33 லட்சம் பிரிமியம் தொகை சுமார் 332 ஹெக்டேர் நிலத்திற்கு பயிர் காப்பீட்டு தொகை கும்பகோணம் மத்திய கூட்டுறவு வங்கி செலுத்தப்பட்டது.இதில் 597 விவசாயிகளுக்கு 45 லட்சத்து 43 ஆயிரம் தொகை வந்துள்ளது. மேலும் பிரிமியம் செலுத்திய 241 விவசாயிகளுக்கு ரூ.31.70 லட்சம் வரவேண்டி உள்ளது.