அரியலூர், மே 24: திமுக கூட்டணியின் விடுதலை சிறுத்தைகள் கட்சி தலைவர் திருமாவளவன் போட்டியிட்ட சிதம்பரம் தொகுதிக்கான வாக்குகள் எண்ணும்பணி நேற்று அரியலூர் மாவட்டம் தத்தனூர் மீனாட்சி ராமசாமி கல்லூரியில் பரபரப்பாக நடைபெற்றது. இத்தொகுதியில் அதிமுக சார்பில் சந்திரசேகர், அமமக வேட்பாளர் இளவரசன், பகுஜன் சமாஜ் சிவஜோதி மற்றும் சுயேட்சைகள் என 13 பேர் போட்டியிட்டனர்.வாக்குகள் எண்ணத்துவங்கி முதல் சுற்றில் திருமாவளவன் முன்னிலை வகித்தார். பின்னர் அடுத்தடுத்து 9 சுற்றுகளி–்ல் அதிமுக வேட்பாளர் சந்திரசேகர் முன்னிலை இருந்து வந்தார். 10வது சுற்று முடிவில் மீண்டும் திருமாவளவன் தொடர்ந்து முன்னிலை பெற்றார். இந்நிலையில் 20 சுற்றில் இரண்டு பெட்டிகள் எண்ணப்பட வேண்டிய நிலையில் 20வது சுற்று முடிவுகளை அறிவிக்காமலேயே 21 சுற்று வாக்குகளை எண்ணத்துவங்கினர்.