சேலம், மார்ச் 28: கோடை விடுமுறையை யொட்டி, சென்னை சென்ட்ரலில் இருந்து சேலம் வழியாக எர்ணாகுளத்துக்கு, நாளை சிறப்பு ரயில் இயக்கப்படுகிறது. கோடை விடுமுறையையொட்டி, பயணிகளின் கூட்ட நெரிசலை தவிர்க்கும் வகையில் சென்னை சென்ட்ரலில் இருந்து எர்ணாகுளத்துக்கு சிறப்பு கட்டண ரயில் இயக்கப்படுகிறது. சென்னை சென்ட்ரல்- எர்ணாகுளத்துக்கு (06039) இடையே நாளை (29ம் தேதி) இயக்கப்படும் இந்த சிறப்பு ரயில், சென்னை சென்ட்ரலில் இருந்து இரவு 8.10 மணிக்கு புறப்பட்டு மறுநாள் காலை 10.55 மணிக்கு எர்ணாகுளத்துக்கு சென்றடைகிறது. இந்த ரயில், அரக்கோணம், காட்பாடி, ஜோலார்பேட்டை, சேலம், ஈரோடு, திருப்பூர், கோவை, பாலக்காடு, திருச்சூர் வழியாக செல்கிறது.