கிருஷ்ணகிரி, நவ.23: மிலாடி நபி விழாவையொட்டி, கிருஷ்ணகிரியில் 5 இஸ்லாமிய ஜோடிகளுக்கு இலவச திருமணம் நடைபெற்றது.
கிருஷ்ணகிரி புதுப்பேட்டையில், 9வது ஆண்டு மிலாடி நபி விழா மற்றும் 5 இஸ்லாமிய ஜோடிகளுக்கு இலவச திருமண விழா நடந்தது. விழாவுக்கு முன்னாள் கவுன்சிலர் அஸ்லம் ரஹ்மான் ஷெரீப் தலைமை வகித்தார். ஜாமீர், முன்னாள் கவுன்சிலர் பிர்தோஸ்கான், பாபுலால், கமால்கான், ரியாஸ், நதீம், இக்பால், முனவர்கான், ரபிக், சுஹேல், கலீம் ஆகியோர் முன்னிலை வகித்தனர். முன்னாள் கவுன்சிலர் கராமத் வரவேற்றார். மாவட்ட அரசு தலைமை காஜி கலீல் அகமத், திருமணத்தை நடத்தி வைத்தார். மேலும் கட்டில், மெத்தை, தலையணை, பீரோ, கேஸ் அடுப்பு, சமையல் பாத்திரங்கள் உள்ளிட்ட பொருட்கள் அடங்கிய சீர்வரிசையும் வழங்கப்பட்டது.