ஷார்ஜா: ஆப்கானிஸ்தான் அணியுடனான 3வது மற்றும் கடைசி டி20 போட்டியில், பாகிஸ்தான் அணி 66 ரன் வித்தியாசத்தில் ஆறுதல் வெற்றி பெற்றது. ஷார்ஜாவில் நேற்று முன்தினம் இரவு நடந்த இப்போட்டியில், டாஸ் வென்ற ஆப்கானிஸ்தான் முதலில் பந்துவீசியது. பாகிஸ்தான் 20 ஓவரில் 7 விக்கெட் இழப்புக்கு 182 ரன் குவித்தது. சயிம் அயூப் 49, அப்துல்லா ஷபிக் 23, இப்திகார் அகமது 31, கேப்டன் ஷதாப் கான் 28 ரன் எடுத்தனர். அடுத்து களமிறங்கிய ஆப்கானிஸ்தான் அணி 18.4 ஓவரில் 116 ரன் மட்டுமே எடுத்து ஆல் அவுட்டானது.