வாஷிங்டன்: ஆப்கானிஸ்தானில் நடந்த மனித உரிமை மீறல் குறித்து தலிபான் அரசுடன் பேச்சுவார்த்தை நடத்தி வருவதாக அமெரிக்கா தெரிவித்துள்ளது. வெள்ளை மாளிகையில் செய்தியாளர்களை சந்தித்த ஊடக தொடர்பாளர் நெட் பிரைஸ் கூறியதாவது: மனிதாபிமான உதவி வழங்குவதில் உலக நாடுகளில் அமெரிக்கா தொடர்ந்து முன்னிலையில் உள்ளது. ஆப்கானிஸ்தானுக்கு ஆகஸ்ட், 2021ம் ஆண்டு முதல் இதுவரை ரூ.8,985 கோடி நிதி உதவி அளித்துள்ளது. ஆனால் சமீப காலமாக, ஆப்கானிஸ்தான் பதிலுக்கு கொடூரமான உத்தரவுகள், வெறுக்கத்தக்க நடவடிக்கைகளில் ஈடுபட்டு வருகிறது.