புதுடெல்லி: டெல்லி முதல்வர் கெஜ்ரிவாலை கொல்ல பாஜக சதி செய்துள்ளதாகவும், அதன் பின்னணியில் எம்பி மனோஜ் திவாரிக்கு தொடர்பு இருப்பதாகவும் துணை முதல்வர் மணீஷ் சிசோடியா தெரிவித்துள்ளார். டெல்லி துணை முதல்வரும், ஆம்ஆத்மி மூத்த தலைவருமான மணீஷ் சிசோடியா வெளியிட்ட டுவிட்டர் பதிவில், ‘குஜராத் மற்றும் டெல்லி மாநகராட்சி தேர்தல்களில் பாஜகவுக்கு தோல்வி பயம் ஏற்பட்டுள்ளது. அதனால் டெல்லி முதல்வர் அரவிந்த் கெஜ்ரிவாலை கொல்ல பாஜக சதி செய்துள்ளது. இதற்கு டெல்லி பாஜக எம்பி மனோஜ் திவாரிக்கு தொடர்பு உள்ளது. ஆனால் இத்தகைய கொலை அச்சுறுத்தலை கண்டு ஆம் ஆத்மி கட்சி பயப்படாது’ என்று பதிவிட்டிருந்தார். துணை முதல்வரின் பதிவை தொடர்ந்து, இவ்விவகாரம் குறித்து விசாரணை நடத்த டெல்லி போலீஸ் கமிஷனருக்கு, லெப்டினன்ட் கவர்னர் சக்சேனா உத்தரவிட்டுள்ளார்.