அகமதாபாத்: குஜராத் சட்டமன்ற தேர்தலில் இதற்கு முன் உள்ள சாதனைகளை பாஜ முறியடித்து, அதிக தொகுதி, வாக்குகளை கைப்பற்றும்,’ என்று ஒன்றிய உள்துறை அமைச்சர் அமித்ஷா தெரிவித்துள்ளார். குஜராத் சட்டமன்ற தேர்தலில் போட்டியிடும் பாஜ வேட்பாளர்களை ஆதரித்து, ஒன்றிய உள்துறை அமைச்சர் அமித்ஷா நேற்று பிரசாரம் செய்தார். காந்திநகர் மக்களவை தொகுதிக்குட்பட்ட சனாந்த் சட்டமன்ற தொகுதியின் பாஜ எம்எல்ஏவாக இருந்தவர் கனுபாய் படேல். இவர் மீண்டும் தேர்தலில் போட்டியிடுவதற்கு பாஜ வாய்ப்பு வழங்கியுள்ளது. இதனை தொடர்ந்து கனுபாய் படேல், உள்துறை அமைச்சர் அமித்ஷா முன்னிலையில் நேற்று வேட்பு மனு தாக்கல் செய்தார்.