பெர்த் ஸ்டேடியத்தில் நேற்று நடந்த உலக கோப்பை சூப்பர் 12 சுற்று 2வது பிரிவு லீக் ஆட்டத்தில் நெதர்லாந்து - பாகிஸ்தான் அணிகள் மோதின. டாஸ் வென்று பேட் செய்த நெதர்லாந்து 20 ஓவரில் 9 விக்கெட் இழப்புக்கு 91 ரன் எடுத்தது. கோலின் ஆக்கர்மேன் 27 ரன், கேப்டன் ஸ்காட் எட்வர்ட்ஸ் 15 ரன் எடுக்க, மற்ற வீரர்கள் அனைவரும் ஒற்றை இலக்க ரன்னில் அணிவகுத்தனர். பாகிஸ்தான் பந்துவீச்சில் ஷதாப் கான் 3, முகமது வாசிம் 2, ஷாகீன் அப்ரிடி, நசீம் ஷா, ஹரிஸ் ராவுப் தலா 1 விக்கெட் வீழ்த்தினர்.