தூத்துக்குடி: தூத்துக்குடி விமான நிலையத்தில் ஒன்றிய இணை அமைச்சர் எல்.முருகன், அளித்த பேட்டி: நாடு சுதந்திரம் அடைந்து 75 ஆண்டுகள் முடிந்து 76வது ஆண்டில் அடியெடுத்து வைத்துள்ள நிலையில் விடுதலைக்காக போராடிய வீரர்களின் தியாகங்களை தொடர்ந்து ஒன்றிய அரசு போற்றி வருகிறது. அவர்களை நினைவு கூரும் வகையில் தூர்தர்ஷன் தொலைக்காட்சியில் ஒவ்வொரு வாரமும் அவர்களுடைய வாழ்க்கை வரலாறு பற்றிய நிகழ்ச்சி ஒளிபரப்பப்படுகிறது. நாட்டில் 75 சுதந்திர போராட்ட வீரர்களுடைய வாழ்க்கை வரலாற்றை ஒளிபரப்புகிறோம்.